WIR Albrecht vnd Ott von gotes gnaden Herczogen ze Osterreich, ze Steyr vnd ze Kernden Veriehen offenlich mit disem brief, Daz wier dem Erwierdigen vnserm lieben vrevnde Ertzbischof Fridreichen ze Saltzpurch vnd seinem Gotshovˆs di lieb vnd vrivˆntschaft getan haben, daz er vnd sein nachchomen von der Hofmarich, di gelegen ist ze nêchst an seinem alten Hofs ze Lyntz, di er nevlich mit vnser des vorgenanten Herczog Otten willen vnd gunst gechauffet hat, furbaz dhain Stewer geben sullen mit den Purgern noch mit der Stat da selbes. Vnd sol ouch er vnd sein Gotshavs di selben Vreijungen ewichleichen haben in allen den rechten vnd vreitumen, als si daz alt hovˆs ze nachst da bei encher gehabt habent, Vnd emphelhen ouch dem Richtter vnd der gemain vnserr Purger da selbes, daz si im vnd seinen nachchomen daran furbaz dhain irrung tun. Vnd darüber zu einem vrchund geben wier in disen brief versigelten mit vnsern jnsigeln. Der ist geben ze Wienn an vreijtag vor Sand Vrbans tag, Do man zalt von gotes gepurde Dreutzehen hundert iar, darnach in dem Fumften vnd Dreizzigisten iar.

Source Fulltext: OÖUB 6 (Wien 1972), S. 166f., Nr. 159