ICH Eberhart vom newnhous vnd alle mein Erben.Wier veriehen offenbar an disem brief vnd tuen chunt allen den, die in sehent, lesent oder horent lesen, Daz wier dem Edeln Herrn Hern fridreichen von Pettaw Marschalich in Steyr ze choufen haben geben vnsern tail, den wier gehabt baben an dem alten Haus ze Rabensperch an der o^eden maur den ekk gen dem prunn vnd waz an dem purig perig gelegen ist, mit der Hofstet, di gen dem prunn gelegen ist vnd swaz dor zue geho^ert ze holtz, ze ueld, versu°cht vnd vnuersu°cht oder swie daz genant ist, vm ein gu^et, des er vnd sein erben vns gancz vnd gar gewert habent vnd geben im ez auf mit des Herrn hant, von dem ez ze lehen ist. Wier schullen auch fu^erbaz dehain Ansprach dor nach haben vnd schullen iem vnd sein Erben ez scherm an aller der srat, do in sein no^et geschieht, Also landes recht ist. vnd daz in daz staet vnd vnuerchert beleib, dor vber gib ich vorgenanter Eberhart vom newnhous iem vnd sein Erben disen offen brief versygelten mit meinem Anhangundem Insygel. Der ist geben nach Christs gebu^erd dreuezehen hvndert iar, dar nach im fumf vnd dreizzigistem iar an sant Franciscus tag.

Source Fulltext: OÖUB 6 (Wien 1972), S. 180, Nr. 173