Jch Dietrich von Harrach vnd mein Sohn herr Penisch vnd all mein Erben, wie di genant sint, vergehen offentlich mit disem brief vnd thuen khundt allen den, die in ho^erent, sehent oder lesent, die nu sindt oder noch khunfftig werent, das vns der Erber herr herr Jans von Capelle vnd sein Erben verricht haben ganz vnd gar mit gueten Pu^ergeln, darumb wu^er Ihren brief haben auf St. Michaelstag, der negst khumbt, dreier hundert pfund alter wienner pfening, darumb vns die Vogtey ze Wels mit sambt der vesst Seissenbvrg von den fu^ersten von oesterreich herzog Albrecht vnnd herzog Otten, gestandten ist vnd vnser Satz gewesen was. Darumb geben wu^er in disen brief besigelten mit vnser bayder anhangundten Insigel, Der geben ist ze Linz nach Cristes geburdt yber dreyzehen hundert Jahr, darnach in dem Sechs vnd dreyssigisten Jahr des Sambstags nach Mittervasten.

Source Fulltext: OÖUB 6 (Wien 1972), S. 203, Nr. 198