Nos Wulfingus diuina permissione Abbas et Connentus Monasterij Cho^etwicensis Ordinis Sancti Benedicti Patauiensis dyocesis scire volumus inspectores presentium vniuersos, Quod de quadam Curia dicta Monichperch in Cherspavmpach sita seruiebantur nobis et nostro Monasterio prefato duodecim metrete Auene et sex metrete siliginis annuatim, reliqua vero pars eiusdem curie cum omnibus alijs seruitijs et pertinentijs ceterisque fructibus vsuagijs ad Beati Johannis baptiste Capellam in Traisem iure proprietario pertinebat. Nos autem de beneplacentia comuni ac vnanimi consensu nostri predicti Conventus et consilio antescriptum dicte Curie seruicium ad nos pertinens, videlicet duodecim metrete Avene et sex metrete siliginis et totum, quod in prenotata Curia iuris habuimus vel habere poteramus, quocumque censeatur nomine Honorabili viro Domino Hainrico capellano dicte Ecclesie beati Johannis in Treisma et ipsi sue Ecclesie vendidimus liberaliter pro decem talentis denariorum wiennensium, de quibus per eundem nobis est plenarie satisfactum, Hoc adiuncto, Quod idem Hainricus siue sui sequaces predicte ecclesie cappellani in prefata curia omni libertate in vendendo siue locando gaudeant, qua et nos hactenus gaudebamus. Promittimur etiam sepedictam Curiam tutare contra impeditores quoslibet vt est iuris. Ad quorum omnium euidens testimonium presentem litteram nostri et Conuentus nostri nec non et domini Diterici et domini Stephani fratrum de Hahenberch predicte Curie aduocatorum sigillorum munimine ad perpetuam predictorum memoriam roboramus. Cuius testes sunt dominus Wichardus plebanus in Dredigist, Otto Lo^echlarius tunc plebanus ad Sanctum Vitum, Ortolfus, fratres et Sacerdotes prefati nostri Monasterij, dominus Chadoldus miles de Altenburch, Otto Nevnwalder, Vlricus Grevl, Diepoldus Cherspech layci et quam plures alij fidedigni. Datum et actum Anno domini Millesimo Trecentesimo xxx° vj. Thome apostoli.

Source Fulltext: OÖUB 6 (Wien 1972), S. 221f., Nr. 217