Ich Elspet Hainreichs hauswrowe des unsinnigen schuster vergich offenwar an disem Prief vnd tuen chunt allen den, di disen Prief sehent oder Horent lesen, di nu lebent oder hernach chunftich werdent, daz ich mein Pruder Stephan gelten scholt vier phunt phennig wienner Munz vnd fuer diselben phennig hab ich im aufgegeben ein Garten, der do gelegen ist vor dem Guntzento^er an Chunrates wis pei dem Prvnne vnd ist auch daz geschehen mit meim guetleihen willen vnd mit Pider leut rat vnd schol auch Stephan mein Pruder, er oder wer den Garten hab, alle jar dovon dienen Dreizzich phennig in die zech, vnd daz di red stet vnd vnzebrochen beleib, darvber gib ich Elspet meim Pruder Stephan disen offen Prief mit der stat anhangunden jnsigel wol versigelt vnd bestet fuer allen chunftigen chrieg. Der Prief ist gegeben, do von Christ gebuerd ergangen warn Tausent jar Drev hundert jar, darnach in dem suben vnd dreizigisten jar des Vreitages in den ersten vier tagen in der Vasten.

Source Fulltext: OÖUB 6 (Wien 1972), S. 230, Nr. 226