Wier Albrecht von gotes gnaden Hertzog ze O^esterreich, ze Steyr vnd ze Kernden Tun chunt mit disem brief Vmb die zwen Weingarten, gelegen ze Gundramstorf auf der Laymgrueb ze nachst der Herhaymin vnd Ruegern von Leyzze, die vnser getrewer lieber Vlreich von Pergowe vnser Hofmaister von Aron vnserm Juden ze Wienn vnd von seinen erben gechouft hat vnd die demselben Aron vnd seinen erben verstanden sint von Seyfriden dem Noyzzier, Daz wir der selben Weingarten des vo^ergenanten Vlreichs von Pergowe vnd seiner erben rechter scherm sein fu^er allen gewalt vnd vnrecht nach vnsers Landes recht ze O^esterreich, als der iudische brief sait, den er von dem vorgenanten Aron vnserm Juden darumb hat. Daruber geben wier im ouch disen brief zu einem offenn v^erchund, besigelten mit vnserm jnsigel, Der geben ist ze Wienn Nach Christes gebu°rd Dreutzehen Hundert jar, darnach in dem Viertzkisten jar des Mitichens nach sand Georgen tag.

Source Fulltext: OÖUB 6 (Wien 1972), S. 329f., Nr. 324