Wir Fridreich vnd Ludwig Grauen zw Otting vnd Landgrauen in Elsassen veriechen vnd tun kund allen den, die disen brief hornnt oder sechnt lessenn, das wir vnserm lieben Sweher vnd brueder graf Hainreichen von schawnberg vnd allen sein Erbenn gehaissen vnd gelobt haben, das wir die lehen, di wir von dem gotzhaws ze wu^eld gewinnen sullen von des guts wegen ze Huebnhouen, im vnd seinen Erben in trewes Hannt tragen sullen, Wann er vnns das erlaubt hatt; Vnd war, das wir mochtten geschaffenn, das er jm vnd sein Erben wurde geliehen, das sollt wir tu^en vngeuerlich. Daru^eber zw Vrkund geben wir in disen brief Besiglten mit vnserm Insigl, di daran hangennt, Der geben ist ze Spilberich, do man zallt von Kristus gepurd drewzechenhundertt vnd in dem virtzigistem Jarn an dem Suntag vor vnser frawntag, als sy ze Himl fur.

Source Fulltext: OÖUB 6 (Wien 1972), S. 344f., Nr. 339