Wir Albrecht von gots gnaden Hertzog ze Osterreich ze Steyr vnd ze Chernden tun chunt mit disem brief vmb die Wayden, die von alter her zu vnser Stat gen Steyr geho^eret habent, vnd ze recht geho^eren su°llent vnd der sich ander leut vnderwunden habent, daz wir wellen, daz dieselben vnser purger von Steyr sich der vorgenanten Wayden, die in ze recht zugehörent vnd der Sy ze vnrecht entwert sind, wider vnderwinden, vnd Sy wider in Ir hand vnd gewalt bringen, vnd wer in des widerwere, wellen wir, daz in dez vnser Purggraf ze Steyr behulfen sei von vnsern wegen. Mit vrchunde ditz priefs der geben ist ze Wienn am vreytag nach dem Aufferttage. Anno domini Millesimo tricentesimo quadragesimo.

Source Fulltext: OÖUB 6 (Wien 1972), S. 334, Nr. 328