Ich Hainreich von Weydungesawe vnd ich Ulreich vnd ich Marchart von weydungesawe sein Prudere vnd ich Chunrat der Praitenuelder Wir veriehen vnd tu^en chunt allen den, di disen brief lesent oder ho^erent lesen, Die nv lebent vnd her nach chunftig sint, Daz wir mit gu^eten willen vnd gu^enst vnser erben mit verdachen mu^ete nach vnser pesten vrevnde rat zv der zeit, da wir ez wol getu^en mochten, Recht vnd redleichen verchauft haben vnsers rechten anerstorben erbegu^ets, daz vns anerstorben vnd angeuallen ist von vron gedrauten hern Otten witibe des Haymen, dem got gnade, an zehen aynlef schillinge wienner phenninge geltes Purchrechtes, der Sechs schilling geltes ligent auf ainer Prêtzenpanch an dem Liechtenstêge ze wienne, die weiln vnd e des Chlainenweyndelins des Pekchen gewesen ist, Die man dient alle iar ze drin zeiten, Vnd Sechtzich phenninge gelts auf des Salloters hause an dem alten fleischmarchte, Viertzig phenninge geltes auf des Posen Reymprechts hause an dem Harmarchte vnd Viertzig phenninge geltes auf des Chammêr haus vo^er Cherner Tör. Die selben vorgenanten an zehen aynlef schillinge geltes Purchrechtes haben wir verchauft vnd geben Mit allem dem nutze vnd rechte, als ez vns anerstorben vnd an geuallen ist, Vmb Nevn phunt phenning wienner Mvntze, der wir gar vnd gantz verriht vnd gewêrt sein, Dem erbern herren hern Vlreichen von Pergawe zv den Zeiten Hertzog Albrechts Hofmaister in O^esterrich vnd allen seinen erben furbaz ledichlichen vnd vreilichen zehaben vnd allen seinen frvmen da mit zeschaffen. verchauffen, versetzen vnd geben, swem er wil an allen irresal. Vnd verzeihen vns fu^erbaz gentzlichen alles rechts daran also, daz wir vnd vnser erben furbaz dehain voderunge nach dehain ansprache dar auf nimmêrmer gehaben sullen, daz loben wir im zelaisten mit vnsern trewen. Vnd daz dise rede furbaz also stête sei, Daruber so geben wir jm disen brief ze ainem offen vrchu^ende vnd ze ainer ewigen vestenu°nge versigilt mit vnserr vier insigiln vnd mit der zwair erbern Ritter insigeln hern Weycharts vnd heren Vlreichs pei den Minneren Pruderen ze wienne, die diser sache gezeuge sint mit iren insigeln. Diser brief ist geben ze wienn nach Christes gepv^ert Dreutzehen Hundert iar, darnach in dem ayn vnd Viertzigisten iar an sand Michels Tage.

Source Fulltext: OÖUB 6 (Wien 1972), S. 393f., Nr. 389