Wir Albrecht von gots gnaden Hertzog von O^esterreich, ze Styr vnd ze Kernden Tun chunt mit disem brif, Daz fu^er vns chom vnser getriwer Stephan der Egenperger vnd machet seinem swager Dytl dem Aystershaymer mit vnser hant die veste ze Egenberg mit alle dem, daz darzu geho^ert, daz von vns ze lehen ist, vnd haben auch wir demselben Dytl Aystershaymer di veste Egenperg vnd waz darzu geho^ert, daz von vns ze lehen ist, verlihen vnd verleihen auch mit disem brief, daz er vnd sein erben di noch des obgenannten Stephan des Egenperger tod vnd wenn der nimmer ist, von vns zelehen haben sullen, als lehens recht ist. mit vrchund des brifs. Geben ze wienne an Eritag nach sand Veyts tag Anno domini millesimo CCC°. quadragesimo Tercio.

Source Fulltext: OÖUB 6 (Wien 1972), S. 449, Nr. 444