Ich Hainreich der Gausrabe vnd ich Seyfrid der Minnganch vnd ich Ulreich der Polle vnd ich Jacobe der Chetner wir ueriehen offenleichen an disem prief, daz vns der erber Herre her Ulreich von Pergawe, hern Ulreichs Sun von Pergawe des Hofmeisters hat verricht vnd gewert aller der gullt, der er uns schuldig ist gewesn fu^er seinen Ennen den allten von Pergawe vnd fu^er den vorgenanten seinen Vater, wir haben prief von in daruber gehabt oder an prief, so sage wir jn aller der gullt ledig vnd vrey mit vrchunde des priefes, vnd darumbe, daz ich vo^ergenanter Ulreich der Polle vnd ich Jacobe der Chetner nicht aygener jnsygel haben, so verpint wier vns der sache der vorgenanteu Gullt vnder des egenanten Hainreichs des Gausraben vnd Seyfrides des Minnegangs jnsygel. Der prief ist geben, da von Christes gepu^erde waren ergangen Dreutzehen hundert jar, dar nach in dem dreu vnd viertzgisten iar an Sande Thomans tage vo^er weinachten.

Source Fulltext: OÖUB 6 (Wien 1972), S. 458f., Nr. 454