Nos Gotfridus dei gracia Patauiensis Episcopus ad vniuersorum noticiam volumus deuenire, quod permutacionem bonorum infrascriptorum, videlicet omnium Agrorum, Pratorum et Siluarum ad Bona in Neidslag et Geyselroeut pertinencium, que sunt inmediate adiacencia meatui fluminis Muchle, distincte et absolute donec ad Ryuolum, qui inter Geiselroeut et Swobzo^ede defluit, et ab eisdem terminis generaliter per ascensum omnia Nemora ac deserciones siue deserta, videlicet in Neundorf, in Hawnsteyn, in Mitterroeut, in Zagelaw necnon in O^edenchirchen cum quibuslibet alijs inibi situatis, cultis sev incultis, quesitis sev inquirendis donec ad Riuolum, qui vinsterpach wulgariter nuncupatur, que Venerabilis Pater dominus Wernhardus antecessor noster bone memorie propria, vt intellexi mus, conparauit pecunia, factam cum bonis in Gla^etzing et in Liechtenek, in Rudmanstorf, in Autengruob, in Pellentzroeut, in Mu^ehlo^ed et in Swobzo^ede, quam permutacionem dominus et Reuerendus in Christo Pater dominus Albertus felicis recordacionis antecessor noster in litteris suis confirmauit, De consensv Venerabilium fratrum canonicorum ac Capituli nostri ratam dictam permutationem habemus ac gratam et ob maiorem firmitatem presentis scripti patrocinio con firmamus. In cuius rei testimonium presens scriptum fieri et Sigilli nostri munimine fecimus conmuniri Presentibus eciam Testibus sub notatis, Ottone de Lonstorf Decano Ecclesie nostre, Kerhoho de Radekk, Alberto de Winchel, Wilhalmo de Wintsperch canonicis Ecclesie Patauiensis, Eberhardo de Wallse, Heinrico de Valkenstein et alijs quam pluribus. Actura et Datum Patauie feria sesta proxima post Inuocauit, Anno domini Millesimo ccc. XIquarto.

Source Fulltext: OÖUB 6 (Wien 1972), S. 470f., Nr. 465