Nos Wulfingus dei gratia abbas Monasterii Chotwicensis Totusque conuentus ibidem Ordinis Sancti Benedicti patauiensis dyocesis publice profitemur ad communen omnium noticiam deducentes, Quod amplectentes bonum pacis et concordie et, quecunque lites inducunt, summopere declinantes matura deliberacione prehabita, Decimas nostras tam maiores quam minores, quas in Curia antiqua dotis Cappelle Sancti Johannis Baptiste in Travsem Monasterium nostrum de iure percipiebat, alijs nostris decimis circumiacentibus tam maioribus quam minoribus nobis saluis, et quoddam pratum in Slat, cuius proprietas ad nos pertinebat de iure, Cum discreto viro Domino Heinrico eiusdem Cappelle Rectore conmutauimus rite ac Racionabiliter acceptantes pro nostro Monasterio in concambium et in reconpensam decimarum nostrarum predictarum bona in Pfenichpach super Nassenstain denominata, deseruiencia in die Sancti ypoliti Triginta vnum denariorum, et in die Sancti Michahelis Triginta vnum denariorum, Egidii qnatuor libras Cere et sub altenburch de prato et quibusdam frutectis in die Sancti Michahelis duodecim denariorum redditus, que omnia pro suis rebus propriis conparauit ita videlicet, Quod nos et Monasterium nostrum istis redditibus denominatis perfruamur libere perpetuo, et ipse Rector Cappelle et omnes successores decimis et prato sepedictis sine inpedimento quolibet similiter perfruantur. In quorum testimonium presentes damus litteras Sigillorum nostrorum appensione conmunitas. Datum in Monasterio nostro predicto anno domini M°. CCC°. XIVj. in die Sancti Georij.

Source Fulltext: OÖUB 6 (Wien 1972), S. 549f., Nr. 542