Ich Eberhart der Chappeller Vergich mit disem offen prief allen den, di in sehent lesent oder ho^erent lesen, di nu lebent oder her nach chu^enftig sint, Daz mein genaediger Herre der hochgeporn fuerst Hertzog Albrecht Hertzog ze Osterreich, ze Steyr vnd ze Chernden zu den zeiten, do ich Peylstain von seinen gnaden zu einen Satz inne gehabt han, alles gericht, stokch vnd Galgen vnd waz dar zu geho^ert, daz emal in das Lantgericht geho^ert hat, mit allen rechten genczleich geben hat hintz seiner Nevstift dem Prior vnd dem Conuent des Ordns von Charthus ze vnser vrowen Thron ze Gaempnikch, als ir hantfest sagent, di si darumb habent v^eber alles ir guet, daz si nu habent oder noch gewinnent, mit v^erchund ditz priefs, der versigelt ist mit meim anhangundem jnsigel, vnd der geben ist, do man zalt nach Christes gepuerd Dreutzehenhundert jar, dar nach in dem sechs vnd viertzgistem jar an sanct Symon vnd sanct judas tag der heiligen Zwelfpoten.

Source Fulltext: OÖUB 6 (Wien 1972), S. 565, Nr. 559