Wir Albrecht von gotes genaden herczog ze Ossterreich, ze Steir vnd ze Kernden enbieten vnssern getrewn, dem Richtter vnd dem Rat vnd den purigern gemainleich ze Enns vnsser gnad vnd alles gut. vmb di vadrung, di Reinprecht von Walsse an ew tut von der guter wegen, di ir ze Iehen von im habt, gebieten wir ew gar ernstleich bei vnssern hulden, als wir ew vor offt darvmb enboten haben, daz ir ew der widerhabet vnd seczet vnd in chainem weg gebet, wolt ew aber yemant darvber notten, daz bringet vnuerczogenlichen an vns, so wellen wir es dann gern darynne versarigen, geben ze Wienn am phineztag vor Oculi MCCCXLVII.

Source Fulltext: OÖUB 7 (Wien 1876), S. 8, Nr. 8