Nos Gotfridus dei gracia Patauiensis episcopus ad vniuersorum noticiam deducimus, quod cum bone memorie Witigo, decanus Lavriacensis, quandam decimarn bladi suam in Ensdorf iuxta flumen Anasi emerit a venerabili fratre nostro in Christo Ottone de Lonstorf, preposito ecclesie nostre, pro nonaginta talentis denariorum wiennensium ipsamque postea ogligauerit pro sexaginta talentis denariorum et eo mortuo dicta decima de nostra consensu vendita fuerit per dilectum in Christo Heinricum canonicum ecclesie nostre, decanum Lauriacensem pro centum viginti talentis denariorum wiennensium, de quibus seu de qua summa cedebant sexaginta talenta denariorum in exsolucione obligacionis decime prenotate et triginta talenta denariorum sunt soluta ad curiarn Romanam Chunrado Hack, nepoti episcopi Frisingensis cui de ipsa Lauriacensi ecclesia post mortem Witigonis prefati immediate in Romana curia fuit prouisum nomine et loco triginta talentornm, que vicarius Witigonis adhuc ipsi Witigoni tempore mortis soluere tenebatur et que ipsi Chunrado tamquam ipsius Witigonis immediato successori cedere debuissent quasque soror et filia sororis dicti Witigonis per illos de Walsse procurauerant arrestari et de facto occupari ipsisque per vicarium solui et cumque (!) pro residuis triginta talentis denariorum, que ad prenotatum Heinricum, ecclesie nostre canonicum et decanum Lauriacensem tantummodo peruenerunt, ipse possessiones seu prouentus emerit de nostro consensu ipsi ecclesie Lauriacensi seu rectoribus eiusdem, qui pro tempore fuerint, ut singulis septimanis una missa in altari sancte Marie Magdalene in ecclesia parochiali Lauriacensi, quod ipse Witigo dotare decreuerat, die qua comodius (!) haberi poterit, ob sue anime remedium celebretur et singulis annis anniuersarius ipsius Witigonis cum vigilijs et missis defunctorum sollempniter cum certo presbiterorum numero et distribucionibus elemosinarum et oblagiorum peragatur. Nos ipsius Heinrici deuocionem in domino comendantes dicte misse ordinacionem ac anniuersarij institucionem cum omnibus et singulis suprascriptis ratam habemus et gratam confirmantes patrocinio huius scripti nostri sigilli appensione muniti. Datum Patauie anno domini Millesimo CCCmo quadragesirno septimo, vij° jdus Aprilis.

Source Fulltext: OÖUB 7 (Wien 1876), S. 11f., Nr. 12