Ich Ortolf der Pyber vnd ich Elspett sein hausfraw vnd all vnser erben vergehen vnd tun chund, daz wir versaczt haben Fridreichen dem Chlingebrunner vnd allen sein erben den zehent vnd daz gelait, daz da leit vnib den Nevnmarkcht hie der halb der Vreinstat, der da lehen ist von dem Pischolf von Pazzaw, mit allem recht vnd nucz, vnd ich in inn han gehabt, fur vierczk phunt alter wienner phenning also beschaidenleich, daz der vorgenant Fridreich vnd sein erben vns schullen ze losen geben den vorgenanten phent all iar jarchleich an dem Vasschanch tag. Wir sein auch dez selben sacz ir gewer, wo in dez not geschiecht, als lancz recht ist ob der Ens. Wir schullen auch in den vorgenanten zehent richtig machen mit herren hant vnd mit aller stat vnd dar zu gehort. Vnd schullen sev daz haben dacz vnsern trewen. Vnd dar zu auf aller vnser hab, swo wir di haben, versucht vnd vnuersucht. Vnd swer vns mit seinem willen mit dem prief mont, dem selben sei wir allez dez gelcz vnd gelub gepunden vnd schuldig vnd hat auch alle di recht auf dem vor'genanten zehent, die er dar auf hat, als vor verschriben ist. Daz di red sta^et vnd vnczebrochen beleib, dar vber gib ich vor genanter Ortolf der Pyber disen prief gesigelten mit meinem anhangunden insigel. Der prief ist geben nach Christes gepurd vber drevczechen hundert iar, dar nach in dem acht vnd virczigistem iar an dem Assch tag.

Source Fulltext: OÖUB 7 (Wien 1876), S. 48f., Nr. 53