Ich Dietmar vnd Wernhart di Astershaimer vergehen offenwar, daz vns di hochgeporn vnser genaedig herren her Levtolt erwelter byscholf ze Freysing vnd her Wernhart vnd her Fridrich Bruder Grafen ze Schovnwerch gericht vnd gewert habent segsthalb hundert guldein phenning floryn, vnd habent vns achtzg schilt an ain, der gie an der zal ab, wider geben an dem gelt, daz si vns gelten schullen, also wir ier vnd ierer porgen brif haben ynd sagen sey vnd ir porgen der selben phenning ledig. vnd ze vrchu^end geben wir in disen brif mit vnser peder anhangvnden insigel, der geben ist, do man zahlt von christez gepu^ert drevtzehen hundert jar vnd in dem acht vnd virtzgisten jar an sand Jo^ergen tag.

Source Fulltext: OÖUB 7 (Wien 1876), S. 52f., Nr. 56