Wir graf Vlreich von Phannberg marschal in Osterreich vnd hauptman in Kernden tun chunt mit disem brief, daz fur vns chom die erber vrowe vrau Chunigund, Eberhartz wittib von Wynden vnd pat vns, daz wir di lechen ze Taelespru^enne, di si von vns ze lehen hat, ierm su^en Hansen von Wyldungsmawer lichen. Nu haben wir ir pet an gesechen vnd haben dem vorgenanten Hansen von Wyldungsmawer mit sampt ir di lehen gelihen also, wann daz ist, daz di vorgenant vrawe Chunigund abget vnd nicht enist, so sullen di egenanten lechen erben vnd geuallen mit vnserm guetleichen willen auf den vorgenanten Hansen von Wildungsmawer. mit vrchund ditz briefs, der geben ist ze Wienn nach Christi gepu^ort tau^osent drev hundert iar, darnach in dem fu^emftzigisten iar an dem heyligen phingst abend.

Source Fulltext: OÖUB 7 (Wien 1876), S. 186, Nr. 184