ICH Lo^enr vnd ich Kathrei sein hausfrawe veriehen offenleich mit disem brief fu^er vns vnd vnser erben, daz wir vnsern lieben gnaedigen herren hern Leutolden tu^emprobst ze Freysing vnd seinen bru^edern grafen ze Schawnberch recht vnd redleich ze chauffen geben haben vnsrew Gu^et, di her nach geschriben stent mit allen irn zugeho^erungen, wi daz genant ist oder wa ez gelegen ist, besu^echt vnd vnbesu^echt. ze dem ersten ain gu^ot an dem Sultzperg vnd vier gut ze Parschalling, di vnser lehen von vnsern vorgenanten herren gewesen sint vnd di wir in aufgeben haben, vnd ain Mu^el an dem Pangarten, di vnser lehen gewesen ist von dem abbt ze Pawern, di wir im auch aufgeben haben, vnd der vorgenanten gu^et aller su^ellen wir ir gewer sein nach dez landes in dem Atergawe recht vnd gewonheit an alls verziehen, vntz si iegleichs gu^ets den vollen gewinnent seiner jar (sic). Wir sein auch dez geltz, darumb wir di vorgeschriben gu^et verchaufft haben, mit beraiten pfenningen gaenczleich verrihtt vnd gewert. Vnd dez alles ze vrchu^end geben wir in disen brief, der mit meinem dez vorgenanten Lo^enr vnd Otten dez Ho^ehenuelder purchgrauen ze Chamer anhangenden insigeln versigelt vnd geben ist nach Cristes gebu^ert dreutzehen hundert jar vnd in dem fu^enfzigsten jar dez freytags nach sant Vrbans tag.

Source Fulltext: OÖUB 7 (Wien 1876), S. 187, Nr. 186