Wir Albrecht von Gottes genaden hertzog ze O^esterreich, ze Steyr vnnd ze Karndten veriehen vnnd thuen kundt mit disem brieff, das wir durch Gott vnnd vnnser vnd vnnserer vordern vnnd nachkomen seel hail willen dem spital der armen du^erfftigen leuth ze Wels geben haben vnd geben auch ein gotz zeill saltz an der Hallstatt vnnd wellen, das man sew dieselben gotzzeil füeren lasse an mautt vnnd yrrung mit aller der freyung, so andere gotzzeill habent. Mit vrkundt dits brieffs geben ze Wels am freytag nach sant Vlrichs tag, do man zelt von Christes gepurde dreitzehenhundert jar, darnach in dem ainssundfünfftzigisten jar.

Source Fulltext: OÖUB 7 (Wien 1876), S. 254, Nr. 250