Ich Ortolf der Pyber, zden zeyten purkraf ze Riedekk vnd mein havsfrow Ehpet vnd vnser payder erben — wir veriehen offenbar — daz wir — geben haben ze chauffen dy zway glayt vnsers zehents, den wir gehabt haben pey dem Nevnmarkcht, Christan dem Gugelein, purger in der Vreinstat, seiner hausfrawn Elspeten vnd ir payder erben — zu rechtem chaufftem vrayn aygen — vmb hundert phunt vnd vmb dreyzk phunt phenning wienner mvnss, der si vns gantz vnd gar gericht vnd gewert haben. Wir schullen auch dez selben zehents ir gewer sein -- darvber zv vrchund — gib ich vorgenanter Ortolf der Pyber in disen offen prief — wol besigelten — mit meinem anhangunden insigel, vnd zu einem zeuge pezzer sicherhait mit meines lieben pruder Gundakchers des Starhenwerger anhangunden insigel. Der prief ist geben drevzehen hvndert jar dar nach in dem ain vnd fumphczkistem jar dez mitichens nach sand Margreten tag.

Source Fulltext: OÖUB 7 (Wien 1876), S. 250f., Nr. 246