Wir Gotfrid von Gots gnaden byschof ze Pazzawe veriehen offenbar mit dem prief, daz wier mit gvnst vnd willen vnsers ersamen capitels dy aygenschaft der zwayer glayt dez zehentz pey dem Nevnmarkcht, di vnser getrewer lieber Ortolf der Pyber vnser purggraf ze Ryedekk von vns vnd vnserm gotzhaus ze lehen het, vnd di er vns mit andern aygen widerleit vnd von vns ze lehen enphangen hat, durich besvnder genad vnd helf geben hann Christann dem Gugelein purger in der Vreinstat vnd seinen erben oder wer den prief inn hat, vnd darvber geben wir zv vrchvnd den prief versigelten mit vnserm vnd vnsers capitels anhangunden insigiln, der geben ist nach Christes geburd drevzehenhvndert jar vnd dar nach in dem ain vnd fvmfczkistem jar, dez ertags an sand Petronelln tag.

Source Fulltext: OÖUB 7 (Wien 1876), S. 250, Nr. 245