Ich Heinrich der jung von Waltsee von Lincz thuen khundt offenleich mit disem brief, das ich mich verpundten han vnd angenamen den brief ze besiegln, den mein liebe frau mein muetter dez erbern herrn Hartneyden tachter seeligen von Losenstain gegeben hat irn vettern herrn Rudolphen vnd herrn Dietrichen von Losenstain also, daz si sich verzeichet aller jrer hab, als jr brief sait, den soll ich in zwischen hinn vnd sunnbenden besiglten senden mit meiner lieben schwagern jnsigel herrn V/ebans dez grafen von Pernstain vnd mit dez erbern Heinriche jnsigel von Potendorf, di derselben sach mit jrn jnsigeln gezeug sindt. Wer aber, daz in daz verzogen wurd, von wiegetanen sachen daz geschach, so soll ich in einen erbern knecht mit zway Pferdn ze Steyr einlegen in ein erber gasthauss, wo sie nun hin zaigent, der soll inligen vm laisten vnd nit auzkho^ennen, iz wider (werde?) daz vollzogen, daz mein brief sait. Daz in daz also von mir vnuerkert beleib, gib ich disen offen brief zu ainem vrkhundt mit meinem anhangunden jnsigel besigelten. Geben ze Linz nach Christi gebuert vber dreyzehenhundert jar vnd in dem zway vnd fu^enffzigisten jar an vnsers Herrn auffarts tag.

Source Fulltext: OÖUB 7 (Wien 1876), S. 280f., Nr. 275