Wir Albrecht etc. tun kunt, daz vnser getrewer Erhart Magens selig von Spilberch sun mit vnserm gutem willen vnd gunst gelost hat vnser vest Spilberch von Hansen dem Scheken von Steyr vmb drew hundert phunt wienner phenning, so hat vns derselb Erhart berait gelihen drithalb hundert phunt wienner phenning vnd fumfczik phunt sol er verpow/^en auf die vest Spilberch, der summ ist sechs hundert phunt wienner phenning, da fur der vorgenante Erhart . . sein hausurow vnd sein erben die egenante vest Spilberch mit allen den nutzen vnd rechten, als wir die von alter herpracht haben, die darczu geho^erent, von vns in phandes weis innhaben vnd niezzen sullen an abslag als lang, vntz datz wir oder vnser erben denselben Erharten . . seiner housurown oder sein erben der vorgeschriben dc (600) phunt wienner phenning verrichten vnd geweren. Wir geben auch dem obgenanten Erharten . . seiner housurown vnd seinen erben auf vnser vest ze Spilberch ze purchhu^et fumfczik phunt wienner phenning vnd schaffen in die auf vnser maut ze Stain vnd gebieten . . dem mauter, der ze den zeiten da ist, daz er sew derselben fumfczik phunt phenning alle jar richt vnd were auf sand Jorgen tag vnd auf sand Michels tag. als ez von alter herchomen ist. Ez mugen auch der vorgenant Erhart .. sein hausurow vnd sein erben die obgenant vest Spilberch der vnsern ainem versetzen vmb alsuil geltes, als in die verseczt ist, mit vnserm gutem willen, wan in dez not beschiecht. Dez geben wir zu vrchund etc. Datum Wienne feria sexta ante viti, anno domini m°. ccc°. liij°.

Source Fulltext: OÖUB 7 (Wien 1876), S. 313, Nr. 307