Nos Petrus Jodocus Vlricus et Johannes fratres de Rosenberch recognoscimus tenore presencium vniuersis, quia villam nostram Wormprant nominatam cum molendino ibidem sub predicta uilla sito, que omnia videlicet hereditates prefate uille cum iam dicto molendino tantummodo tria talenta denariorum wiennensium censuant (sic) annuatim, ad reuerenciam gloriosissime virginis Marie ac ob salutem animarum patris nostri domini Petri et domine Katherine matris nostre pie recordationis aliorumque predecessorum nostrorum necnon et nostra saluacione dominis et fratribus viris religiosis ordinis premonstratensium in monasterio in plaga sancte Marie dicto pro nunc et successiuis temporibus ibidem inhabitantibus ab omni iugo seruiciis et onere pheodalibus, quibus per nos nostrosque predecessores hactenus possessa fuerunt, presentibus exonerantes et liberantes pacifica, quieta et libera in restaurum et melioracionem prefati monasterij ad perpetuam habicionem prout alia propria prefati monasterij bona conferimus damus et appropriamus simpliciter de omni iure pheodali predictis fratribus religiosis condescentes quecunque nobis in eisdem competebant. In cuius testimonium et robur perpetuo valiturum presentibus sigilla nostra sunt appensa Datum in Chrumpnaw anno domini millesimo trecentesimo quinquagesimo sexto, sabbato die sancti Gregorij confessoris.

Source Fulltext: OÖUB 7 (Wien 1876), S. 441, Nr. 434