Wir Albrecht von Gottes gnaden herczog ze O^esterreich, ze Steyr vnd ze Ka^ernden bekhennen vnd thuen kbundt, dass wir vnserm getreun lieben graf Vlrich von Schaunberch vnd allen seinen erben daz hauss gelegen in der Walichstrazz zu Wienn, dass von bischof Johannsen seligen von Kostens weilent vnserm chanzler an vns geuallen ist, von sundern gnaden geben haben vnd geben auch mit allen dem, so darzu gehört vnd alss er ez yezund jnnhat. mit vrchunt diz briefs, der geben ist ze Wienn an sand Gregory dess heyligen lerär nach Christs geburde dreyzehenhundert jar darnach in dem sechvndfu^enfzigisten jar.

Source Fulltext: OÖUB 7 (Wien 1876), S. 441f., Nr. 435