Wir Albrecht von Gotes gnaden hertzog ze O^esterreich, ze Steyer und ze Kerndten tu^en chunt, daz wir unsern getrewen den burgern ze Steyr gemainlich die gnad getan haben und tun auch mit disem brief, zwaz man in der stat ze Steyer wandelt, von wem die wanndlung geschieht, daz sol auch datz Steyer auzgericht werden und mu^egen unser burger daselbs darumb aufgehaben werden; zwaz man auch vor unserm ri^echter ze Steyr anlangen ist, swelicherlay geltschu^eld daz ist, darumb soll der richter phant oder phening dem gelter antwurten; auch welln wir daz man auzzerhalb des purchfriedens ze Steyer in ainer meil an chainer ungewonlichen stat wein schenkch, dann als ez vor alter herchomen ist. Mit urchund dises briefs. Geben ze Wienn am eritag vor dem palmtag. Nach Christi geburd dreyzehnhundert jar darnach in dem sechs und funffzigisten jar.

Source Fulltext: OÖUB 7 (Wien 1876), S. 445f., Nr. 440