Ich Chalhoch Vlreich vnd Havg wir prv^eeder von Valkenstaint tven chvnt an disem prief, daz wir ain recht haben gehabt auf aim guet dacz Herhag daz wir dez vogt vnd schermer sein gwezen, vnd habent vnz gepeten di herren der probst vnd der convent von Slegel, daz wir vncz verczigen haben derselben voitai vnd darvmb haben si vnz geben voitai auf aim andern gvet daz ir ist dacz Hartmansdorf auf dem obern gvet daz czwelf schilling geltz ist, vnd daran haben wir ir pet erhert vnd haben vncz verczigen der egnanten voitai auf dem vorgnanten gvet dacz Herhag vnd wellen vnzer voitai haben auf dem vorgeschriben gvet dacz Hartmansdorf, vnd daz in daz staet pleib von vnz vnd von allen vnzern gerben, darvmb geben wir den egnanten herren dem probst vnd dem convent vom Slegl disen prief veringsigelten mit vnzeren ingsigeln. Der prief ist geben nach Christz pvrt drevnczenhvndert iar darnach in dem sechs vnd fv^enzigstem iar am svnwennd tag.

Source Fulltext: OÖUB 7 (Wien 1876), S. 459, Nr. 455