Ortolfus Dei gracia sancte Saltzburgensis ecclesie archiepiscopus apostolice sedis legatus omnibus in perpetuum. Religiosam vitam eligentibus congrua nos opportet consideracione prospicere, ne cuiusdam necessitatis occasio aut desides faciat aut robur, quod absit, conuersacionis infringat. Idcirco religiosis et deuotis feminis.. magistre et monialibus monasterii in Summo ordinis sancti Augustini, que ex sui prebendalis stipendii paruitate penuriosam vt plurimum vitam ducunt, infrascripta predia seu bona de consilio et consensu dilectorum in Christo Eberhardi prepositi Gerhohi decani et capituli nostri Saltzburgensis donamus deputamus et assignamus volentes et statuentes vt prepositi Saltzburgenses eorundem prediorum seu bonorum curam et administracionem habeant, et dictis monialibus fructus redditus et prouentus vniuersos, qui ex eisdem modo quocumque poterunt prouenire absque diminucione qualibet administrent, ita videlicet quod iidem fructus redditus et prouentus dilecte in Christo Katherine dicte Czynkkin dicti monasterii monache et professe, quam ibidem suaui Christi iugo pro nostre remedio anime applicauimus et pro nobis constituimus oratricem proueniant et cedant integraliter ad tempora vite sue, et deinde inter magistram et sorores predictas communiter perpetuis temporibus diuidantur, pro qua donacione magistre et sorores ipse nobis spiritualem volentes facere reconpensam de dictorum prepositi decani et capituli consilio et consensu pro nobis in die deposicionis nostre vigilias et missam pro defunctis cum aliis oracionibus et pietatis operibus peragere, sicut pro vna ex sororibus suis in deposicione eius consueuerunt facere, et post obitum ipsius Katherine pro nobis anniuersarium cum vigiliis de nocte ante vesperas, et de mane cum missa pro defunctis cum nota celebrare perpetuis temporibus promiserunt. Sunt autem predia seu bona hec: primo predium Choyslehen, quod annis singulis soluit denariorum Salzburgensium libram dimidiam, et decima in Aptnowe que soluit diete monete libram ynam, que a pueris quondam Ortolfi prennarii de bonis ex sollicitudine nostra conquisitis conperauimus. Item dimidium predium in Aznowe prope Ro^etenstain soluens denariorum Salzburgensium solidos quique denarios viginti tres quod nobis per mortem Friderici Teysingerii, et predium in V/ettendorf prope Mittersil soluens denariorum libram vnam quod nobis per mortem cuiusdam dicti Wolf de Mittersil vacare incepit. Ceterum notandum est quod in bonis prediis seu possessionibus supradictis prepositus Salzburgensis qui pro tempore fuerit, habere debet liberum ius instituendi et destituendi per omnem modum quo hij suis temporibus a quibus eadem nobis vacare ceperunt vel conperavimus, habuerunt. In cuius rei testimonium et fidem perpetuam presentes nostri et dicti capituli nostri sigillorum sunt munimine roborate. Datum Salzburge in die sanctorum Philippi et Jacobi apostolorum anno domini millesimo trecentesimo quinquagesimo sexto.

Source Fulltext: OÖUB 7 (Wien 1876), S. 448f., Nr. 444