Wir Albrecht von Gots gnaden hertzog ze O^esterreich, ze Steyr vnd ze Kernden enbieten vnsern getrewen lieben allen lantherren vnd lantrichtern allen stetten vnd merchten den der brief getzaigt wirt, vnser gnad vnd alles gut. Wand wir vnsern getrewen den purgern von Ens die gnad getan haben, daz si bei den rechten vnd cheuffen beleiben sullen die si vnd jr stat von alter gewonhait habent herpracht, darumb gebieten wir ew vnd wellen ouch ernstleich, daz ir in an denselben iren rechten vnd cheuffen chain irrung noch phrengnuzz tut in dhainem weg, mit vrchund ditz briefs, der geben ist ze Wienn am phintztag vor sand Vrbans tag, nach Christs geburde drewtzehen hundert iar darnach in dem sechs vnd fumftzgistem jar.

Source Fulltext: OÖUB 7 (Wien 1876), S. 453f., Nr. 449