Wir Albrecht von Gotes gnaden hertzog ze O^esterreich ze Steyer vnd ze Kernden tun chunt, daz vnser getrewer Stephan von Hohenberch der erbern Margareten Weicharts tochter von Winchel seiner snuer an irr morgengab, di er ir geit zu Stephan von Hohenberch seinem sune, mit vnserr hant gunst vnd guten willen gemacht hat fumf phunt wienner phenning geltes gelegen ze Helma vnd zwelif phunt wienner phenning gelts auf drittail dorffes ze Hautzental fur hundert vnd sibentzig phunt wienner phenning, aber die verlehenten gueter hat er im selben vorauz behalten also, daz die vorgenant Margaret die egenanten phenning gult sol niezzen vnd innehaben, als morgengab recht ist in vnserm land ze O^esterreich, mit vrchund ditz briefs, geben ze Wienn an mitichen nach dem sunntag letare nach Christes geburd dreutzehen hundert jar darnach in dem siben vnd fumftzkisten jar.

Source Fulltext: OÖUB 7 (Wien 1876), S. 495, Nr. 488