Nos Gotfredus dei gratia Pataviensis episcopus praesentibus profitemur, quod cum nobilis vir Eberhardus de Capell nostrae dioecesis pie ductus proposito ecclesiam sanctorum apostolorum Philippi et Jacobi in Schwerdberg, quae hactenus ecclesiae S. Michaelis in Neerden dictae diöcesis nostrae jure suberat filiali, pro divini cultus augmento copiosius et uberius dotari intendat et propter hoc ipsum cum omnibus juribus et pertinentiis suis ab eadem matrice sua affectuose postulet eximi totaliter et absolvi, nos ejusdem Eberhardi de Capell laudabilem intentionem in domino commendantes et devotis ipsius precibus favorabiliter annuentes ecclesiam ipsam in Schwerdberg cum omnibus tam parochialibus quam aliis juribus et pertinentiis suis a praedicta ecclesia in Neerden et a subjectione ipsius venerabilis capituli nostri Pataviensis accedente consensu et nihilominus de voluntate ei beneplacito dilecti in Christo Friderici plebani ejusdem ecclesiae i^en Neerden duximus totaliter eximendum ita, quod eidem ecclesiae in Neerden et plebano ibidem qui pro tempore fuerit, nullum omnino jus vel subjecto deinceps competere debeat, in eadem jus quoque patronatus ejusdem ecclesiae in Schwerdberg ad castrum Windeck ejusdem nostrae diöcesis, cujus dominium ad prefatum Eberhardum de Capell pertinere dignoscitur, volumus pertinere, ita quod quandocunque vel quotiescumque dictam ecclesiam in Schwerdberg vacare contigerit, dominus prefati castri quicumque pro tempore fuerit, personam idoneam et discretam nobis aut successoribus nostris infra debitum tempus juris debeat presentare, quae per nos et successores eosdem (?) instituatur canonice in eadem salvis nobis et successoribus ipsis debita obedientia et reverentia rectoris, qui ad presentationem huiusmodi in eadem ecclesia Schwerdberg pro tempore fuerit institutus, et aliis juribus episcopalibus nobis de ipsa sicut de aliis parochialibus nostrae diöcesi praestantis, quibus per presentem exemptionem in nullo volumus derogare; praefatus quoque Eberhardus de Capell recompensa et competenli refusione jurium, quae praefata ecclesia in Neerden et plebanus ibidem in eadem ecclesia Schwerdberg hactenus obtinebat, donavit et assignavit eidem ecclesiae in Neerden in plebano ipsius redditus duorum et dimidiae librorum denariorum Viennensium super certis bonis, quae idem Eberhardus eidem ecclesiae in Neerden et plebano ipsius donavit assignavit et tradidit jure proprietatis deinceps libere possidenda resignans nihilominus nobis et ecclesiae nostrae pataviensi praedictae jus patronatus et advocatiae, quod ipse et haeredes sui praedicti in ecclesia S. Nicolai in Hoffkirchen prope Altenhoffen dictae nostrae diöcesis hactenus obtinebat ita, quod nos et successores nostri Patavienses episcopi eandem ccciesiam in Hoffkirchen quandocunque et quotiescumque ipsam vacare contigerit, de cetero conferre et de ipsa providere libere valeamus. In quorum omnium et singulorum testimonium praesentes literas inde conscribi fecimus, nostrique et capituli nostri praedicti sigillorum munimine roborari. Datum Vienne dominica: Esto mihi, anno domini MCCCLVII.

Source Fulltext: OÖUB 7 (Wien 1876), S. 489ff., Nr. 483