Wir Wernhart vnd Friderich bru^eder grafen ze Schawnberch vnd wi^er Vlreich vnd Heinreich bru^eder auch grafen ze Schawnberch mit andern vnsern bru^edern vnd vetern wi^e di^e benant sint, di^e nv sint vnd hernach chunftig werdent, veriehen vnd tu^en chunt offenbar an disem bri^ef allen den di^e in sehent oder ho^erent lesen, daz wir mit gu^etem willen vnd gunst aller vnser erben vnd mit woluerdachtem mv^et ein ewigs selgeraet vns vnd vnsern voruodern vnd nachchomen haben gemacht in dem vraw/^nchloster grabs ordens datzdem heyligen geyst ze Ybs vnd haben den erbern geystlichen vraw/^n da selbs gegeben durich Got di^e aygenschaft aller der gu^eter, di^e di^e (sic) Reynhart der Tv^ers in gemacht hat, waz der ist in dem dorff ze Haekchsdorf, dev v^ef drev phunt gelcz geschaczt sint di^e er von vns ze lehen hat gehabt. Auch hab wi^er in gegeben di^e aygenschaft der akcher di si bei der stat ze Ybs habent, der zwen gelegen sint bei der mitlern mv^el, dev in der erber ritter Ott von Karlsbach geschafft hat di er von vns ze leben hat gehabt, vnd zwen Jigent bey Tv^enawdorf dev in der erber ritter Nicla von Ro^erenbach hat geschafft vnd von vns ze lehen hat gehabt, di aygen /e dem vorgenantem goczhaus ze Ybs ewichleich ze haben in rechten aigens gewer. Vnd di^e geystlichen vraw/^n da selbs habent vns verhaizzen mit i^ern bri^efen ein iartag ze began jaerchleich vnd ewigleichen vns vnd vnsern voruodern vnd nachchomen des naechsten tags nach sand Jacobs tag im snid, des abencz mit einer vigilj vnd des morgens mit selmessen nach i^ers ordens gewonhait, vnd desselben tags schol dev aptessinn geben der gemain ze pezzerung i^er phrunt igleicher vrawn ein halbs chaendcl weins zway stukk vissch vnd weizz brot; wer aber daz si des vorgenanten tags vor ehafter not den jartag nicht begen mo^echten als vorgeschriben ist, so sohullen si darnach des nachsten tags di^e savmung volfu^ern. Geschaech des nicht daz wi^er wie wi^er des indert inn wu^erden, so habent sich di^e vorgenanten aekcher vnd gu^eter veruallen vnserm goczhauzz gan Wilhering, vnd wer dann zden zeiten abpt da ist der sol sich der vorgenanten aeckcher vnd gu^eter vndercziehen mit i^erem gu^etleichen will vnd gunst vnd an allen chri^eg. Wir haben auch dem vorgenanten vraw/^n chloster ze Ybs gegeben vreyung vnd fu^ervart an vnserr mauttstat ze Asschach zv zwain phunten weicz pancz vnd zv acht phunten chlains pancz salczz, daz si vnd wer iz in i^erm namen fu^ert jaerchleich vnd ewichleich ains imm jar schullen fu^eren an alle mautt zol vnd phrangsal vnd an alle i^errung aller i^err mautter di nu sind vnd her nach chunftig werdent. Vnd darvmb habent si vns verhaizzen vnd gelobt einen andern jartag jerchleich vnd ewigchleichen ze begen des nachsten montags vor der chotemer imm aduentt auch mit einer vigilj vnd mit selmessen, vnd dezselben tags schol di^e sampnung der vraw/^n trostt werden mit den pitanczen di^e an dem obgeschriben jartag benant sint. Vnd daz in di^e red stet vnd vnczebrochen ewichleich beleib darvber geben wi^er dem vorgenanten goczhauzz ze Ybs disen bri^ef versigelten mit vnsern anhangunden jnsigeln. Der bri^ef ist geben do man zalt von Christ gebu^erd drevczehen hundert jar dar nach in dem siben vnd ffûnffczigisten jar an sant Yligen tag.

Source Fulltext: OÖUB 7 (Wien 1876), S. 524ff., Nr. 517