Ich Artolf Ha^eutaler vnd ich ver Agnes sein hausuraw^e ich Chu^onrat Ha^eutaler sein pru^eder veriehen vnd tu^en chunt allen den die disen prief sehent ho^erent oder lesent di nu lebent vnd her nach chu^enftig werdent, daz wir vnd vnser erben vnuerschaidenleich gelten su^ellen Eusakchen dem Juden ze La vnd seinen erben dreu vnd zwainczikch pfunt wienner pfenning do von dem heutigen tag ta^egleich gesu^och auss get alle wochen auf ein yegleich pfunt vier wienner pfenning, vnd haben in dofu^er ze pfant gesatzt fu^er hauptgu^ot vnd f/er schaden vnsers rechten verlehenten gu^otes daz wir ze lehen haben von vnserm herren dem hertzogen in O^estereich zway gantzev lehen ze velde vnd ze dorffe, die gelegen sind ze Hau^etal, dreu halben lehen zwischen Petreyn dem Varster vnd Leupolten dem Hueter, vnd leit daz ayn halbes lehen zwischen Symon dem Schern vnd Vlreichen Ro^etleyn vnd dient ye daz gantz leben alleu jar vier vnd zwaintzig metzzen waitz vnd vier vnd zwaintzig metzzen habern vnd drey schilling wienner pfenning auf sand Gyligen tag. Vnd wanne die juden ires gu^otes nicht lenger peiten wellent vnd ez an vns vodernt, so su^ellen wir seu wern hauptgu^ots vnd gesu^ochs, tu^on wir dez nicht so su^ellen die juden mit den vorgenanten zwayn lehen allen iren frumen schaffen mit verchauffen mit versetzen vnd geben wem seu wellent, alz verr vnd so lang vntz daz di juden ga^entzleich gewert werden hauptgu^ets vnd gesuchs, vnd waz in an den selbigen pfannden abget, daz su^ellen seu haben auf vns vnd auf vnsern trewen vnd auf alle dem gu^et daz wir indert haben in dem lande ze O^estereich oder wo wir ez haben wir sein lebentig oder tod. wir sullen auch die juden weder gen hof noch an dhayn gewaltigeu werung schaffen, nu^er daz wir seu wern su^ellen mit vnserm beraitem gu^et, vnd wer vns auch monet mit disem prief, dem su^ellen wir allez dez gepunden sein waz vor geschriben stet alz in selber; daz loben wir in allez staet ze haben vnd ze laisten mit vnsern trewen an aydes stat. Vnd geben in darumbe disen prief versigelten mit vnser paider anhangunden jnsigeln zu^o einem offenn sichtigen vrchu^ende. V/eber dazselb haben wir vnsern pru^eder Marytzen von Scho^ennstrazze dez gepeten daz er diser sache warr geczeug ist mit seinem anhangunden insigel vnd hat daz getan mit vnserm gu^etleichen willen also, daz die egenant ver Agnes sein swester des vorgenanten Arrtolfes hausfraw^e auf die vorgenanten pfant dhayn voudrung weder vmb morgengab noch vmb dhaynerlay ansprach wie so die genant ist hintz den juden nicht enhaben sol, wanne sy iren rechten versatzteu pfant sind, allen iren frumen domit schaffen alz oben genant ist. Darczu^e haben wir gepeten den erbern ritter hern Hainrich von Ymendorf, daz der diser sache geczeug ist auch mit seinem anhangundem jnsigel. Der prief ist geben nach Christus gepu^erde dreutzehen hundert iar darnach in dem syben vnd fu^emftzigestem iar dez pfynntztages an vnser vrawen abent alz sy geparn ist.

Source Fulltext: OÖUB 7 (Wien 1876), S. 526f., Nr. 518