Wir Albrecht von Gots gnaden hertzpg ze O^esterreich ze Steyr vnd ze Kernden tun chund, waz vnser getriwer liber Eberhart von Chappellen der erbern Jeutten seiner wirtinn vf die vest ze Mitterberch die sein lehen von vns ist gemacht gefu^egt vnd verschriben hat, daz daz mit vnserm willen vnd gunst geschehen ist vnd wellen, daz ez dabey beleibe alz die brief sagent, die derselb von Chappell seiner egenanten wirtinn daruber geben hat. mit vrchund ditz brifs. Geben ze Wien an suntag vor sand Vrbans tag nach Krists geburde dreutzehen hundert iar darnach in dem siben vnd fumftzigistem jar.

Source Fulltext: OÖUB 7 (Wien 1876), S. 508, Nr. 499