Wir graff Vlreich von Schownberch vergechen vnd tu^en chunt offenleich mit disem prief allen den die in sechent oder horent lesen, daz fu^or vns chom her Chu^enrad der Smidacher von Zegestorf vnd pat vns vleizzichleich durch seiner dinst willen, daz wir recht vnd redleich gelichen haben seiner lieben hausfrow^en vrow^en Kathreinn hern Wernharcz tochter dez druchsaetzen von Reichesto^erf den hof ze Phaffendo^erf mit allen den nu^eczen die darzu^o geho^erent ze veld vnd ze do^erff, versu^echt vnd vnuersu^echt, wie di genant sind, vnd fu^enf schilling pfenning geltz gelegen auch dapey fu^er newnczk phunt pfenning wienner mu^enzz an irr mo^ergengab dew er ir recht vnd redleich geben vnd gemacht hat ze rechter mo^ergengab alz mo^ergengab recht ist vnd dez landes recht ze O^esterreich. Vnd dez ze v^erchu^end geben wir der vorgenanten vrown Kathreinn den offen prief zu einem warn geczeug der sach versigelten mit vnserm anhangundem jnsigel der geben ist ze Chrems do man zalt von Christes gepu^erd drevczechen hundert jar vnd darnach in dem syben vnd funfczkisten jar an der aindlef tausent maid tag.

Source Fulltext: OÖUB 7 (Wien 1876), S. 533, Nr. 523