Wir Albrecht etc. tu^en chund, daz wir vnserm getrewn Jansen dem Travner vnd seinen erben gelten sullen in c. t. vnd Ix t. (1100 phund vnd 60 phund) wienner pfenning, die derselb Travner gelihen hat vns vnd vnsern erben zu^e vnsern notdurften an der losung zu der Freynstat vnd der vest Chlingberch die wir von den von Walsse gelo^est haben, vnd sullen wir si derselben pfenning richten vnd wern von sand Go^ergen tag der schierist chumt vber ain gantzes iar, tetten wir des nicht, so sullen wir si datz der Freynstat vnd ze Chlingberch nicht enthausen, ez werd denn vor der egenant Travner vnd sein erben von vns oder von vnsern erben der vorgeschriben ainlef hundert vnd sechtzig pfunt wienner pfenning vericht vnd gewert; vnd sullen si denselben sacz mit allen nutzen vnd rechten die darzu gehorent innhaben vnd niezzen, als in die von Walsse babent inngehabt an allen abslag. Ouch sullen derselb Travner vnd sein erben oder wer die stat vnd die purch ze der Freynstat vnd die vest Chlingberch von irn wegen innhat vns vnd vnsern erben damit wartend vnd gehorsam sein, vns vnd die vnsern darin vnd darauz ze lazzen wie oft vns des not beschiecht. Des geben wir etc. Datum Wienne feria sexta ante Georij anno l° octauo.

Source Fulltext: OÖUB 7 (Wien 1876), S. 572, Nr. 559