Wir Rudolf von Gotes gnaden hertzog ze Osterreich ze Steyr vnd ze Kernden tun kund, daz wier vnsern purgern von Perg die gnad getan haben vnd tu^en ouch, daz siv ze Ybs mautt geben sullen alle die weil vraw Agnes weilent kuniginn ze Vngern vnser pêsel lebund ist, swenn aber dieselb vnser pa^esa^el abgieng da Got vor sey, so sullen die vorgenanten vnser purger ze Perg dann chain mautt geben daselbz ze Ybs vnd beleiben bey allen den rechten die die purger von Ens habent alz die brief sagent die si von vnsern voruordern vnd ouch von vns darumb habent, mit vrkund ditz brifes. Geben ze Wienn an eritag nach sand Elspeten tag nach Kristes gepurde dreutzehen hundert jare, darnach in dem acht vnd fumftzigistem iar.

Source Fulltext: OÖUB 7 (Wien 1876), S. 604f., Nr. 593