Wir Rudolf von Gottes gnaden hertzog ze O^esterreich ze Steyr vnd ze Kernden embieten vnsern getrewn Arnolten vnd dem Wu^echerlein unsern mauttern ze Rotenmann vnser gnad vnd allez gu^ot. Als ew vnser lieber herre vnd vatter selig hertzog Albrecht mit seinem prief gebotten hat, also gebieten wir ew vnd wellen ernstlich daz ir noch evr anwalt vnser getrewn die choufleut von Ens nicht irret an der mautt ze Triben vnd sev beleiben lazzet bei der gewonhait vnd dem rechten alz si herkomen sind. Tett ir icht anders das wêr gentzlich wider vns. Geben ze Wienn an sand Andres abend L°octauo. Eberhardus Janitor.

Source Fulltext: OÖUB 7 (Wien 1876), S. 605f., Nr. 595