Ich Irnfrid der Vischpechk vnd ich Cha^erl der Vischpechk vnd ich Stephan der Vischpechk wir alle drey prueder vnd all vnser erben die ietzu^ent lebent oder hernach chu^enchfticht werdent, wir veriechen daz wir ze chau^offen haben geben Chu^onraten dem Grozhau^obt vnd allen seinen erben daz lehen datz Ho^echenperig vnd daz gelegen ist in Ro^erbechker pfarr, vmb sechkgtz pfu^ont phenning alter wienner mu^ozz (sic), der wir vnd au^och vnser erben von im gantz vnd gar verricht vnd auch gewert sein, daz wir in vnd all sein erben nichtz gezeichen mu^egen. Daz im daz also stet vnd vnzebrochen beleib dem egenanten Chunraten vnd allen seinen erben, darvber ich gib oft genanter Irnfrid der Vischpechk im den brief versigelten mit meinem anhangu^entem insigel, vnd darzu^o zu^o einer waren zeu^ognu^ozz der sach vnd au^och der wandlu^ong mit meins herren hern Dyetmars insigel von Losenstain zden zeiten phleger datz Velden vnd mit hern Ru^ogers insigel ab dem Perig zdeu zeiten phleger datz dem Wernstain in paiden an schaden. Daz ist geschechen vnd auch der brief geben dreutzechen hu^ondert iar vnd darnach in dem nevn vnd funftzgtzkistem iar des nachsten suntagz vor vnser fraw^en tag in der vasten.

Source Fulltext: OÖUB 7 (Wien 1876), S. 634f., Nr. 621