Wir Rudolf von Gotes gnaden hertzog ze Osterreich ze Steir vnd ze Ka^ernden tun kund, vmb den erbtail, da die erber Margret Kadolts selig tochter von Eberstorf Vlreichs hausfraw von Czelking Petern von Eberstorf irm vettern vmb zu^ogesprochen hat, daz vnsere herren vor vns erfunden habent daz derselb Peter von Eberstorf mit dem egenanten erbtail allen seinen frumen geschaffen mag verkauffen versetzen vnd geben wem er welle als jm das allerpest köme vnd fuge nach der vorgenannten Margreten verczeichbrief sag vnd auch nach sag des gescheftbrief den Alber von Eberstorf selig derselben Magreten bru^oder gegeben hat vnd die der vorgenant Peter von Eberstorf innhat. Mit vrkunt des briefs, geben ze Wienn an montag nach dem suntag letare in der vasten anno domini m° ccc° l° nono,

Source Fulltext: OÖUB 7 (Wien 1876), S. 640, Nr. 629