Wir Rudolff von Gots gnaden hertzog ze O^esterreich ze Steyr und ze Kernden tun kunt vmb den hof ze Hard vnd swaz darczu gehort, den Vlreich der Mitterberger von vns ze lehen hat vnd den er vnserm lieben getrewn Eberharten von Kappeln vnd seinen erben verseczt hat, daz wir vnsern willen vnd gunst darczu geben haben vnd geben ouch in der weise, als die saczbrief sagent die der obgenant Mitterberger daruber geben hat, doch also daz es vns vnsern brudern vnd erben an der lehenschaft des vorgenanten hofes vnd swaz darczu gehort nicht schade, mit vrchund dicz briefs geben ze Munchen an sand Matheus tag dez heiligen zwelfpoten vnd ewangelisten nach Krists gepurd dreuczehen hundert iar darnach in dem sechczigistem iar. Dachsperger.

Source Fulltext: OÖUB 7 (Wien 1876), S. 723f., Nr. 720