Ich Ulrich von Strasswalchen purger ze Prawnawe mein hawsfrawe und alle unser erben verjehen, daz wir ze rechtem selgeraet und ze freyn aigen unsern hof ze Holzhawsen der da haist der Chastenhof und der Halbhof geben haben und aufgestellt gein Raytenhaslach auf unser stat zum altar dem apt und dem convent daselben mit sogetanem bescheiden, daz der pawmann der da eribrecht auf dem Chastenhof hat alz sein brief sagt den er vor daruber hat, der sol demselben pawman staet beleiben und schol auch der pawmann oder swer den hof nun hinfuerwertz besitzet dem gotzhaws wartent sein und dienen mit allen den eren rechten und nutzzen di zu dem hof gehorent. Daru^eber geben wir in den offen brief under meinem obgenanten Ulrich von Strasswalchen aygen anhangunden insigel. Daz ist geschehen nach Christi gepurt uber drewtzehen hundert jar darnach in dem drew und sechzigistem jar an sand Gregori tag.

Source Fulltext: OÖUB 8 (Wien 1883), S. 128, Nr. 123