Wir Rudolf von Gotes gnaden herczog ze O^esterreich ze Steyr ze Kernden und ze Krain graf ze Tyrol etc. tu^on chunt umb die verlehenten guter die unser getrewe Hans der Egenperger Wernharten dem Aysterhaimer gemacht hat alz er des unsern brief hat, habent unser herren darurnb mit dem rechten erfu^enden, daz der vorgenant Egenperger mit den egenanten verlehenten gu^etern allen seinen frumen geschaffen mag und sol mit verchauffen mit verseczen und gehen wem er will alz im das aller pest fu^eget an menichliches irrung. Davon wellen wir, daz ez dabei beleibe und daz der vorgenant brief den der obgenant Aystershaimer hat dem egenanten Egenperger noch seinen erben chain schad sei in dhainen weg. Mit urkund dicz briefs geben ze Wienn an samcztag nach Martini episcopi nach Kristes gepurd dreuczehen hundert jar darnach in dem vier und sechczigisten jare.||
+ Hoc est verum. +||
Mars(chalkus) per Steph(anum) notarium suu(m)

Source Fulltext: OÖUB 8 (Wien 1883), S. 199, Nr. 196