Wir Fridrich von Gots gnaden bischof ze Bamberg tun kunt, daz wir durch sunder lieb und vrewntschaft, die wir haben zu den edlen graf Ulrichen und graf Hainrichen pruedern grafen von Schawn berg verlihen haben alle dew lehen die si von uns unserm goczhaus ze lehen habend, alz der brief saget den in unser vorvader seliger bischof Lupold daruber geben hat, und besteten in den selben brief mit dem brief und dew lehen die si von uns unserm goczhaws habend alz vor geschriben stet. Auch sullen wir der selben lehen ir rechter herr sein alz lehens und des landes reht ist da dew selben lehen inligend, und dez zu urkund geben wir den brief der mit unserm haymleichen insigel ist versigelt und geben ze Schawnherg am eritag nach Erhardi do man zalt nach Christi gepurt tausend drew hundert jar und darnach in dem fu^omf und sehzigisten jare.

Source Fulltext: OÖUB 8 (Wien 1883), S. 202, Nr. 199