ICH Olakcher der Wolfsfurtter und mein hauzzfraw vergehen, daz wir ze chawffen haben geben unser gu^ot gnant am Lehen und gelegen in sand Mareinchircher pharr, daz unser recht lehen ist gewesen von unserm genedigen herren hern Lienharten von Marspach, Wernharten dem Munichner purger ze Grieschirchen und seiner hawzzfrawn und allen iren erben, in aller der mazz und wir daz gu^ot selb inne haben gehabt, umb ein gelt dez wir gantz und gar von in gericht und gewert sein. Daz in di red also sta^et und unverchert beleib dar u^eber ze einem warn vesten urchund gib ich in obgenanter Otakcher Wolfsfurtter für mich und für all mein erben den brief versiglten mit meins genedigen herren insigel hern Lienhartz von Marspach und mit meins obgenanten Otakchers Wolfsfurtter anhangundem insigel. Der brief ist geben do man zalt von Christi gepu^ertt tawsent jar drew hundert jar darnach in dem fu^emf und sechtziksten jar am phintztag an unsers herren leychnam tag.

Source Fulltext: OÖUB 8 (Wien 1883), S. 236, Nr. 233