Ich Eberhart von Waltse houptman ob der Ens enbeut dem erbern mann Chrystoffel dem Syrveyer, ze den zeiten mautner ze Lyntz meinen gru^eez und alls lieb. Ez sind die purger von der Vreinstat mit meines herren sa^eligen herzog Ru^odolf briefen vor meinem herren dem hertzogen und vor dem marschalch und vor mir gewesen von der widergab wegen u^eber dew Tu^onaw von dreisk chuffen segs phenning. Nun laz ich dich wissen daz ich und dew stat datz Lyntz all unser tag wol gedenchen, daz man in die widergab allweg wider geben hat und auch dew mein vorgenanter herr sa^eliger herzog Ru^odolf mit seinem brief besta^ett hat. Davon la in die obgeschriben widergab widerfaren alz daz von alter hercho^emen ist. Geben ze Wienn an unser vrowen tag ze liechtmess anno (lxvj/to) millesimo trecentesimo sexagesimo sexto.

Source Fulltext: OÖUB 8 (Wien 1883), S. 265, Nr. 266