Wir Albrecht von Gots gnaden herezog ze O^esterreich ze Steyr ze Kernden und ze Krayn graf ze Tyrol etc. tu^on kunt, daz unser purger von der Freynstat mit einer gu^oten chuntschaft an uns pracht habent daz si von unsern vorvordern von gnaden die recht haben und gewonhait, swenn si an unser mautt ze Lyncz bericht habent dreizzig grozze chu^effen salczes, daz man in dann an denselben chu^effen salczes von der egenanten mautt hinwider geben sol sechs wienner phening und nicht mer. Davon gebieten wir unserm mautt er ze Lyncz wer der jerlich da ist und wellen ernstlich, daz er si bey denselben rechten und gewonhaiten beleiben lazze und dawider nicht chome in dhainen weg uncz an uns als ouch der brief sagt den si von unserm lieben pru^oder seligen herczog Ru^odolffen ze gleicher weise darumb habent und den wir ouch geschehen und geho^ert haben. Mit urchund diez briefs geben ze Wienn an mitichen nach unserr frawen tag ze der liechtmesse anno domini millesimo trecentesimo sexagesimo sexto. Leutoldus de Stadekk marschalcus provincialis. per Stephanum suum notarium.

Source Fulltext: OÖUB 8 (Wien 1883), S. 265f., Nr. 267