Wir Wernnhartt von Gottes genaden abbt zw Ebersperg Ott der prior und der convent gemaincklich daselbs verjechen mit disem brief, das wir angesechen haben di trew und fuedrung di unns di edlen herrn her Wernhartt her Ruedolf und her Fridreich gebrueder graven ze Schaunnberg all zeitt gethan habent und noch fu^erwasser tun wellent und mu^egen, und darumb verhaissen wir in mit disem brief alle di lehen ze leichen di fraw Elspett herrn Ulreichen des Schreier witib von unns und unserm goczhaws ze lechen hatt, und sullen auch di vorgeschrihen herrn und graven diselhigen lechen versprechen und verantwurtten gen aller ma^enigklich an unser und unsers vorgenanten gotzhaws schaden ob in di vorbenanten lechen yemant ze krieg ta^ett. Und daru^eber ze urkund geben wir in disen brief mit unserm und unsers vorbenanten gotzhaws convent anhangunden insigeln besigelten, der geben ist zw Ebersperck an mitichen vor sannd Michels tag nach Christi gepu^erd drewzechenhundertt und in dem sechs und sechtzigisten jarnn.

Source Fulltext: OÖUB 8 (Wien 1883), S. 292f., Nr. 297